Það skal ég segja ykkur að á þessum heitustu og verstu tímum á ég bara hreint út sagt erfitt með að halda mig í mörgum fötum. Það er rétt þegar farið er í búðina eða von er á gestum sem maður klæðist sómasamlega, því hitinn er svo mikill fyrir svona litla íslenska sál að ég svitna óheyrilega við minnstu hreyfingu, sem verður fyrir vikið enn verri í buxum.
Sem betur fer er maður á efstu hæð og nágrannarnir sjá lítið til mín :)

Klukkan tvö í dag mældist hitinn tuttuguogsjö gráður á selsíus! Ef það væri nú bara sundlaug í garðinum ...

Fyrir ykkur sem fannst þið kannast við það, þá er fyrirsögnin tilvísun í heiti gamallar plötu með Sniglabandinu, "Til hvers þarf maður konur?", sem aftur er tilvísun í ákveðinn ónefndan mann.