árið er 2002 og vefurinn er ennþá svona!
Fyrsta abbababb-ið á þessum vef er margþætt í þeim skilningi að það er ekki bundið við neinn einn vef eins og raunin mun oftast verða í framtíðinni. Ég get nefnilega endalaust furðað mig á þeirri staðreynd að jafnvel stórir og vinsælir íslenskir vefir binda sig enn við www í slóð sinni. Ef þú slærð ekki inn www.slóð.is þá hreinlega kemstu ekki á vefinn, færð villu sem oftast hljómar eitthvað á þessa leið: "The page cannot be displayed" eða "No Web page is configured at this address" eða jafnvel "Forbidden, you don't have permission to access /
.
on this server"
Það er sem sagt engin tæknileg ástæða fyrir því að slóðir innihéldu www í upphafi. Slíkt var eingöngu gert til þess að létta undir með frumkvöðlum vefsins. Aðgreiningin fólst þá einkum í því að minna á að slóðin var á "veraldarvefnum" (e. World Wide Web) en ekki einhverju öðru óskilgreindu neti.
Ágætu fyrirsvarsmenn eftirtalinna fyrirtækja og stofnana, er ekki kominn tími til þess að stilla strengi ykkar í takt við nútímann.
- Ríkisútvarpið (ruv.is)
- Íslensk erfðagreining — (decode.is)
- Verðbréfaþing Íslands — (vi.is)
- Landspítalinn — (landspitali.is)
- Landsbankinn-Landsbréf — (landsbref.is)
- Friðrik Skúlason ehf. — (complex.is)
- DNA Veflausnir — (dna.is)
- Þjóðhagsstofnun — (ths.is)
- Lánasjóður íslenskra námsmanna — (lin.is) — (bætt við í mars 2002)
- Tryggingastofnun ríkisins — (tr.is) — (bætt við í mars 2002) já þeir eru með "redirect" en þeir eru með athugasemd um að ég hafi valið rangan vef !!
Nú og svo má ekki gleyma þeim vefjum sem vísa á mismunandi síður eftir því hvort valin er slóðin með eða án www.
Viðbætur og breytingar
Það er víst ekkert nema sanngjarnt að minnast jafnframt á þegar
áðurgreind fyrirtæki bregðast við áskorun eins og þessari. Eftirtaldir
aðilar voru áður á listanum hér fyrir ofan, en hafa nú stillt strengi
sína í takt við allan almenning.
