Er ekki eitthvað bogið við það þegar ákvörðun flugmanna um að vinna ekki umfram vinnuskyldu veldur röskun á flugáætlunum flugfélags? Gerir flugfélagið virkilega flugáætlanir byggðar á umframnýtingu mannauðsins? Það er ekki eins og það séu einhverjar efasemdir um fjölda flugferða í viku hverri.

Af vef RÚV:

Búast má að flug Icelandair raskist frá og með sunnudegi þar sem íslenskir atvinnuflugmenn hyggjast ekki vinna umfram vinnuskyldu, til að mótmæla framkomu Icelandair gagnvart flugmönnum sínum.
[...]
Jón Karl [Ólafsson, forstjóri Icelandair] segir að ef flugmenn fari að þessum tilmælum verði röskum á áætlunarflugi Icelandair. „Okkur þykir það miður en við munum koma upplýsingum um röskun til viðskiptavina okkar ef svo fer. Því miður verðum við að gera ráð fyrir því að frá og með sunnudeginum verði raskanir, og eitthvað hugsanlega fellt niður eða fært til." (leturbr. mín)